2019, മേയ് 31, വെള്ളിയാഴ്‌ച
2019, മേയ് 27, തിങ്കളാഴ്‌ച
2019, മേയ് 12, ഞായറാഴ്‌ച
നിങ്ങളുടെ വാഹന ഇന്‍ഷൂറന്‍സ് പോളിസി ഓറിജിനലോ അതോ വ്യാജനോ?
നിങ്ങള്‍ എടുത്തിരിക്കുന്ന വാഹന ഇന്‍ഷൂറന്‍സ് പോളിസി ഒറിജിനലാണോ അതോ വ്യാജനാണോ എന്ന് പരിശോധിച്ചിട്ടുണ്ടോ? ഇല്ലെങ്കില്‍ പരിശോധിക്കുന്നത് നല്ലതാണ്.
കാരണം ഇന്ത്യയില്‍ മാത്രമല്ല ആഗോളതലത്തില്‍ തന്നെ വ്യാജ വാഹന ഇന്‍ഷൂറന്‍സുകള്‍ അനുദിനം പെരുകി വരികയാണെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
ഇന്ത്യയില്‍ നിലവിലുള്ള വാഹന ഇന്‍ഷൂറന്‍സുകളില്‍ രണ്ട് ശതമാനത്തോളം പോളിസികള്‍ വ്യാജ കമ്ബനികളുടെ പേരുലുള്ളതാണെന്നാണ് പുതിയ കണ്ടെത്തല്‍. ഇതിലൂടെ കോടികളാണ് ഇന്‍ഷൂറന്‍സ് രംഗത്ത് നഷ്ടമാവുന്നത്. ഇത് നേരത്തേ പരിശോധിച്ച്‌ ഉറപ്പുവരുത്തുന്നത് നല്ലതാണെന്നാണ് ഈ മേഖലയില്‍ പ്രവര്‍ത്തിക്കുന്നവരുടെ ഉപദേശം. അല്ലാത്തപക്ഷം, എന്തെങ്കിലും അപകടം സംഭവിച്ച്‌ ഇന്‍ഷൂറന്‍സ് ക്ലെയിം ചെയ്യുമ്ബോഴാണ് വഞ്ചിക്കപ്പെട്ട കാര്യം മനസ്സിലാവുക.
അറിയപ്പെടുന്ന കമ്ബനികളെ സമീപിക്കുക
അതിനാല്‍ വാഹന ഇന്‍ഷൂറന്‍സ് പോളിസി എടുക്കുമ്ബോള്‍ തന്നെ ഇക്കാര്യത്തില്‍ ജാഗ്രത പാലിക്കേണ്ടതുണ്ട്. ചെറിയ സാമ്ബത്തിക ലാഭത്തിന് വേണ്ടി വ്യാജന്‍മാരുടെ കെണിയില്‍ പെടുന്നത് ഒഴിവാക്കാന്‍ ഇതിലൂടെ സാധിക്കും. അതിന് ഏറ്റവും നല്ല വഴി അറിയപ്പെടുന്നതും വിശ്വസ്തവുമായ കമ്ബനികളില്‍ നിന്നോ കേന്ദ്രങ്ഹളില്‍ നിന്നോ പോളിസി വാങ്ങുകയെന്നതാണ്. ഇതുവരെ കേള്‍ക്കാത്ത കമ്ബനികളില്‍ നിന്ന് ഇന്‍ഷൂറന്‍സ് പോളിസി എടുക്കുമ്ബോള്‍ തുക കുറഞ്ഞുകിട്ടുമായിരിക്കും. പക്ഷെ ക്ലെയിം കിട്ടിക്കൊള്ളണമെന്നില്ല.
പെയ്‌മെന്റ് ചെക്ക് വഴിയോ ഓണ്‍ലൈനായോ മാത്രം
ശ്രദ്ധിക്കേണ്ട മറ്റൊരു പ്രധാന കാര്യം ഇന്‍ഷൂറന്‍സ് തുക അടക്കുന്നത് ചെക്ക് വഴിയോ ഓണ്‍ലൈനായോ ആയിരിക്കണമെന്നതാണ്. ഒരിക്കലും ലിക്വിഡ് കാഷായി തുക നല്‍കരുത്. ഇന്‍ഷൂറന്‍സ് കമ്ബനി യഥാര്‍ഥമാണോ അല്ലയോ എന്ന് കണ്ടെത്താന്‍ ഇതുവഴി സാധിക്കും. ചെക്ക് നല്‍കുമ്ബോള്‍ തന്നെ ഇന്‍ഷൂറന്‍സ് കമ്ബനിയുടെ പേരില്‍ തന്നെ വേണം നല്‍കാന്‍. ഏതെങ്കിലും വ്യക്തിയുടെ പേരിലാവാതിരിക്കാന്‍ ശ്രദ്ധിക്കണം. റിസ്‌ക് ഒഴിവാക്കാന്‍ ഓണ്‍ലൈനായി പോളിസി വാങ്ങുന്നതാണ് നല്ലതെന്നാണ് വിദഗ്ധരുടെ അഭിപ്രായം.
പോളിസി വെരിഫൈ ചെയ്യാന്‍ മറക്കരുത്
വെരിഫിക്കേഷന്‍ ലിങ്ക് ഉപയോഗിച്ച്‌ പോളിസി ഒറിജിനലാണോ വ്യാജമാണോ എന്ന് പരിശോധിക്കാന്‍ കഴിയും. മിക്കവാറും എല്ലാ ഇന്‍ഷൂറന്‍സ് കമ്ബനികളും അവരുടെ വെബ്‌സൈറ്റില്‍ പോളിസി വെരിഫിക്കേഷന്‍ ലിങ്ക് നല്‍കാറുണ്ട്. വെബ്‌സൈറ്റില്‍ കയറി ലിങ്കിന്റെ സഹായത്തോടെ പോളിസിയുടെ ആധികാരികത ഉറപ്പുവരുത്താന്‍ മറക്കരുത്. പോളിസിയുടെ വിശദാംശങ്ങളറിയാന്‍ കസ്റ്റമര്‍ കെയര്‍ നമ്ബറില്‍ വിളിച്ച് അന്വേഷിക്കുകയും ചെയ്യാം.
കമ്ബനിക്ക് ലൈസന്‍സുണ്ടോ?
വാഹന ഇന്‍ഷൂറന്‍സ് പോളിസി എടുക്കുന്നതിന് മുമ്ബ് കമ്ബനി നിലവിലുണ്ടോ എന്നും അതിന് പ്രവര്‍ത്തന ലൈസന്‍സുണ്ടോ എന്നും അന്വേഷിക്കണം. ഇന്‍ഷൂറന്‍സ് റഗുലേറ്ററി ആന്റ് ഡെവലപ്‌മെന്റ് അതോറിറ്റിയുടെ വെബ്‌സൈറ്റില്‍ രാജ്യത്തെ എല്ലാ അംഗീകൃത ഇന്‍ഷൂറന്‍സ് കമ്ബനികളെയും ലിസ്റ്റ് ചെയ്തിട്ടുണ്ട്. ഇത് പരിശോധിച്ച്‌ അംഗീകൃത കമ്ബനിയില്‍ നിന്ന് തന്നെയാണ് വാഹന ഇന്‍ഷൂറന്‍സ് പോളിസി എടുക്കുന്നത് എന്ന് ഉറപ്പുവരുത്താനാകും.
ക്യുആര്‍ കോഡ് പരിശോധിക്കാം
വാഹന ഇന്‍ഷൂറന്‍സ് പോളിസി ഒറിജിനലാണെന്ന് ഉറപ്പുവരുത്താന്‍ പോളിസി പേപ്പറിലെ ക്യുആര്‍ കോഡ് റീഡ് ചെയ്താല്‍ മതിയാവും. പോളിസിയില്‍ ക്യുആര്‍ കോഡ് വേണമെന്നത് ഇന്‍ഷൂറന്‍സ് റഗുലേറ്ററി ആന്റ് ഡെവലപ്‌മെന്റ് അതോറിറ്റിയുടെ നിയമമാണ്. അതുകൊണ്ടു തന്നെ പോളിസിയുടെ ആധികാരികത ഇതിലൂടെ ഉറപ്പുവരുത്താനാവും. സ്മാര്‍ട്ട് ഫോണിലെ ക്യുആര്‍ കോഡ് റീഡര്‍ ആപ്പുപയോഗിച്ച്‌ ഇത് റീഡ് ചെയ്താല്‍ കമ്ബനിയുടെ വെബ് പേജ് ഓപ്പണാവുകയും പോളിസിയുടെ വിശദാംശങ്ങള്‍ കാണാനാവുകയും ചെയ്യും.
പോലീസ് സ്റ്റേഷനില്‍ പോകാതെ വാഹന ഇന്‍ഷുറന്‍സിനായുള്ള 'GD എന്ട്രി' നേടാം...?
'തുണ' ഇപ്പോള്‍ ലൈവാണ്
"വണ്ടിയൊന്നു തട്ടി. ഇന്ഷുറന്സ് കിട്ടാനുള്ള ജീഡി എന്ട്രി തരാമോ?" - പൊലീസ് സ്റ്റേഷനില്‍ സ്ഥിരമായി കേള്‍‍ക്കുന്ന ചോദ്യമാണിത്. വാഹനാപകടങ്ങള്‍ സംബന്ധിച്ച കേസുകളില്‍ ഇന്ഷുറന്സ് ക്ലെയിമിനും മറ്റും പോലീസ് സ്റ്റേഷനിലെ ജി.ഡി. (ജനറല്‍ ഡയറി) എന്ട്രി ആവശ്യമായി വരാറുണ്ട്. ഇതിനായി കുറേ സമയം നമ്മള്‍ കാത്തു നില്‍ക്കേണ്ട അവസ്ഥയും ഉണ്ടാകാറുണ്ട്.
ഇനി ജി.ഡി. എന്‍ട്രിക്ക് വേണ്ടി സ്റ്റേഷനില്‍ എത്തേണ്ട ആവശ്യമില്ല. സ്റ്റേഷനില്‍ വരാതെ തന്നെ ജി.ഡി. എന്ട്രി ലഭ്യമാക്കുന്നതിന് ഓണ്‍ലൈന്‍ പോര്‍ട്ടലില്‍ സൗകര്യം ഒരുക്കിയിട്ടുണ്ട്.
തുണ സിറ്റിസണ്‍ പോര്‍ട്ടലില്‍ കയറി പേരും മൊബൈല്‍ നമ്ബറും നല്‍കുക. ഒ.ടി.പി. മൊബൈലില്‍ വരും. പിന്നെ, ആധാര്‍ നമ്ബര്‍ നല്‍കി റജിസ്ട്രേഷന്‍ പൂര്‍ത്തിയാക്കാം.
എന്താണ് തുണ...?
നിങ്ങള്‍ ഇതിനു മുന്‍പ് കേട്ടിട്ടുണ്ടോ ഇത്തരമൊരു സംവിധാനത്തെക്കുറിച്ച്‌...? പൊതുജനങ്ങള്‍ക്ക് പോലീസ് സ്റ്റേഷനുകളിലും മറ്റ് പോലീസ് ഓഫീസുകളിലും നേരിട്ടെത്താതെ വിവിധ സേവനങ്ങള്‍ ഓണ്‍ലൈനായി ലഭ്യമാക്കുന്ന പുതിയ സിറ്റിസണ്‍ പോര്‍ട്ടല്‍ 'തുണ' ഇപ്പോള്‍ ലൈവാണ്.
തുണ സിറ്റിസണ്‍ പോര്‍ട്ടലിലൂടെ ഏതു സ്റ്റേഷനിലേക്കും ഓണ്‍ലൈനായി പരാതി സമര്‍പ്പിക്കാം. ഓണ്‍ലൈന്‍ പരാതിയുടെ തല്‍സ്ഥിതി അറിയാനും സാധിക്കും. പോലീസ് സ്റ്റേഷനില്‍ രജിസ്റ്റര്‍ ചെയ്ത കേസുകളുടെ എഫ്.ഐ.ആര്‍ പകര്‍പ്പ് ഓണ്‍ലൈനില്‍ ലഭിക്കും. പോലീസ് വെരിഫിക്കേഷന്‍ സര്‍ട്ടിഫിക്കറ്റിനും ഓണലൈനായി അപേക്ഷിക്കാം. കാണാതായ വ്യക്തികളുടെ പേരു വിവരം ലഭിക്കാനും കാണാതായവരെക്കുറിച്ച്‌ ലഭിക്കുന്ന വിവരങ്ങള്‍ ഓണ്‍ലൈനായി നല്‍കാനും തുണയില്‍ സംവിധാനമുണ്ട്. ഇനി നിങ്ങള്‍ ഒരു സെക്കന്‍ഡ് ഹാന്‍ഡ് വണ്ടി വാങ്ങുവാന്‍ ഉദ്ദേശിക്കുന്നു എന്നിരിക്കുക. ആ വണ്ടി മോഷണവണ്ടിയാണോ എന്ന് ഈ സൈറ്റില്‍ പരിശോധിച്ച്‌ തീര്‍ച്ചപ്പെടുത്താവുന്നതാണ്.മോഷണം പോയ വണ്ടികളുടെ വിവരങ്ങള്‍ സൈറ്റില്‍ കൊടുത്തിട്ടുണ്ടാകും.
സംശയകരമായ സാഹചര്യങ്ങളില്‍ കാണപ്പെടുന്ന വസ്തുക്കള്‍, വ്യക്തികള്‍, സംഭവങ്ങള്‍ എന്നിവയെക്കുറിച്ച്‌ പോലീസിന് രഹസ്യവിവരങ്ങള്‍ നല്‍കാനും പോര്‍ട്ടല്‍ പ്രയോജനപ്പെടും. പ്രധാനപ്പെട്ട കോടതി ഉത്തരവുകള്‍, വിധികള്‍, പോലിസ് മാന്വല്‍, സ്റ്റാന്‍ഡിംഗ് ഓര്‍ഡറുകള്‍, ക്രൈം ഇന്‍ ഇന്ത്യ എന്നിവയുടെ ഓണ്‍ലൈന്‍ ലൈബ്രറി സൗകര്യവുമുണ്ട്.
സമ്മേളനങ്ങള്‍, കലാപ്രകടനങ്ങള്‍, സമരങ്ങള്‍, ജാഥകള്‍, പ്രചാരണ പരിപാടികള്‍ എന്നിവയ്ക്ക് പോലീസിന്റെ അനുവാദത്തിന് ഓണ്‍ലൈനായി അപേക്ഷ സമര്‍പ്പിക്കാം. ഉച്ചഭാഷിണി പ്രവര്‍ത്തിപ്പിക്കാനുള്ള അപേക്ഷ ഓണ്‍ലൈനായി സമര്‍പ്പിക്കാനും സാധിക്കും.
എസ്.എം.എസ്., ഇ-മെയില്‍ എന്നിവ വഴി പൊതുജനങ്ങള്‍ക്ക് ജാഗ്രതാനിര്‍ദേശം നല്‍കാനും കഴിയും. പോര്‍ട്ടല്‍ വഴി ലഭിക്കുന്ന പരാതികളും സേവനങ്ങള്‍ക്കുള്ള അപേക്ഷകളും സമയബന്ധിതമായി തീര്‍പ്പാക്കുക വഴി ഇതിന്റെ ഫലപ്രാപ്തി വര്‍ധിപ്പിക്കണമെന്ന് മുഖ്യമന്ത്രി നിര്‍ദേശിച്ചിട്ടുണ്ട്.
_
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)