ടാക്സി,ഓട്ടോ നിരക്കുകള്‍ കൂട്ടി !!

തിരുവനന്തപുരം: ഓട്ടോ, ടാക്സി നിരക്കുകള്‍ വര്‍ധിപ്പിച്ചു. ഓട്ടോ കുറഞ്ഞ നിരക്ക് ഒന്നര കിലോമീറ്ററിന് 20 രൂപയാക്കി. നേരത്തെ ഇത് ഒന്നേകാല്‍ കിലോമീറ്ററിന് 15 രൂപയായിരുന്നു. ടാക്സി ചാര്‍ജ് 5 കിലോമീറ്ററിന് മിനിമം 150 രൂപയാക്കിയും വര്‍ധിപ്പിച്ചു. ജസ്റ്റിസ് രാമചന്ദ്രന്‍ കമ്മിറ്റി ശിപാര്‍ശയുടെ അടിസ്ഥാനത്തിലാണ് നിരക്ക് വര്‍ധിപ്പിച്ചതെന്ന് ഗതാഗത മന്ത്രി തിരുവഞ്ചൂര്‍ രാധാകൃഷ്ണന്‍ പറഞ്ഞു. പുതുക്കിയ നിരക്കുകള്‍ ഒക്ടോബര്‍ ഒന്നിന് നിലവില്‍ വരും.

ഓട്ടോ യാത്രക്ക് ഒന്നര കിലോമീറ്റര്‍ കഴിഞ്ഞുള്ള ഓരോ നൂറൂ മീറ്ററിനും ഒരു രൂപ (കിലോ മീറ്ററിന് 10 രൂപ) നിരക്കില്‍ നല്‍കണം. രാത്രികാല യാത്രാ നിരക്കും വര്‍ധിപ്പിച്ചിട്ടുണ്ട്. കോര്‍പറേഷന്‍ പരിധിയില്‍ രാത്രി പത്ത് മണിക്ക് ശേഷമുള്ള യാത്രക്ക് മീറ്റര്‍ നിരക്കിന്‍െറ 50 ശതമാനം അധികം നല്‍കണം.

ടാക്സി മിനിമം ചാര്‍ജ് 100 രൂപയില്‍ നിന്നാണ് 150 ആക്കി വര്‍ധിപ്പിച്ചത്. ടാക്സിയില്‍ അഞ്ചു കിലോമീറ്ററില്‍ അധികം സഞ്ചരിക്കുന്ന ഓരോ കിലോമീറ്ററിനും 15 രൂപ വീതം നല്‍കണം. നാലു മണിക്കൂറില്‍ കൂടുതല്‍ കാത്തുനില്‍ക്കേണ്ടി വന്നാല്‍ ടാക്സികള്‍ക്ക് വെയിറ്റിംഗ് ചാര്‍ജ് ഈടാക്കാം.

(courtesy:madhyamam)

നിങ്ങള്‍ യാത്ര ചെയ്യാനുദ്ദേശിക്കുന്ന സ്ഥലത്തേക്ക് എത്ര ലിറ്റര്‍ Oil ചെലവാക്കണം !!

വാഹനങ്ങളില്‍ ദൂരെയാത്രക്ക് പോകുന്ന നമ്മളെല്ലാം മൊബൈല്‍ ഫോണില്‍ maps വഴിയും navigation വഴിയും route നോക്കാറുണ്ട് അല്ലെ.. എന്നാല്‍ അതിനേക്കാള്‍ സ്പീഡും അതിനേക്കാള്‍ ഉപയോഗ പ്രദവുമായ മറ്റൊരു സൈറ്റിനെ പരിചയപ്പെട്ടാലോ... അതെ, നിങ്ങള്‍ യാത്ര ചെയ്യാനുദ്ദേശിക്കുന്ന സ്ഥലത്തേക്ക് എത്ര ലിറ്റര്‍ ഇന്തനം ചെലവാക്കണം എന്ന് വരെ ഈ കിടിലന്‍ സൈറ്റ് നിങ്ങള്‍ക്ക് പറഞ്ഞു തരും. കൂടാതെ ദൂര യാത്രക്കാര്‍ക്ക് സ്റ്റോപ്പ്‌ ഓവര്‍ പോയന്റുകളും ഈ വെബ്സൈറ്റ് നിര്‍ദേശിക്കുന്നുണ്ട്. ഇന്ത്യയിലുള്ള ചെറുകിട സ്ഥലങ്ങള്‍ പോലും വലിയ പ്രാദാന്യത്തോടെ ഈ സൈറ്റില്‍ ഉണ്ടെന്നതാണ് മറ്റൊരു സവിശേഷത. www.distancesbetween.comഎന്ന ഈ വെബ്സെറ്റ് തുറന്ന ശേഷം ആവിശ്യമുള്ള ഓപ്ഷനുകള്‍ തുറക്കുക. ശേഷം പുറപ്പെടുന്ന സ്ഥലവും എത്തിച്ചേരേണ്ട സ്ഥലവും കൊടുത്ത ശേഷം ബാക്കി കാണുക. ഇത്തരം സൈറ്റുകള്‍ വളരെ ആവശ്യമായ പലരും കണ്ടെത്താന്‍ കഴിയാതെ ബുദ്ധിമുട്ടുന്നുണ്ട് അത്തരം കൂട്ടുകാരിലെത്തിക്കാന്‍ എല്ലാവരും ശ്രമിക്കണമെന്ന് അപേക്ഷിക്കുന്നു.

കൂടുതല്‍ വിവരങ്ങളുമായി വീണ്ടും വരാം.

നിങ്ങളുടെ വിലപ്പെട്ട അഭിപ്രായം താഴെ കമെന്റ്സില്‍ അറിയിക്കാന്‍ മറക്കരുത്.

പണരഹിത മോട്ടോര്‍ ഇന്‍ഷുറന്‍സ് !!

അപകടങ്ങളില്‍പെട്ട് വാഹനത്തിന് അറ്റകുറ്റപ്പണി വേണ്ടി വന്നാല്‍ വര്‍ക്ഷോപ്പുകളില്‍ ഒരു പൈസ പോലും മുടക്കേണ്ടി വരാതെ നന്നാക്കി പോരുക. പണം ഇന്‍ഷുറന്‍സ് കമ്പനി നേരിട്ട് വര്‍ക്ഷോപ്പിന് നല്‍കും -അതാണ് ക്യാഷ്ലെസ് (പണരഹിത) മോട്ടോര്‍ ഇന്‍ഷുറന്‍സ്. കോംപ്രഹന്‍സീസ് (ഫുള്‍ കവര്‍) ഇന്‍ഷുറന്‍സ് പോളിസികളിലാണ് ഈ സൗകര്യം ലഭ്യമാവുക. ഇന്‍ഷുറന്‍സ് കമ്പനി എക്സിക്യൂട്ടീവുകളുടെ ഭാഷയില്‍ പറഞ്ഞാല്‍, ആരോഗ്യ ഇന്‍ഷുറന്‍സ് രംഗത്തുനിന്ന് മോട്ടോര്‍ ഇന്‍ഷുറന്‍സ് രംഗത്തേക്ക് കുടിയേറിയ സുന്ദര ആശയം. പക്ഷേ, യഥാര്‍ഥത്തില്‍ അത്ര സുന്ദരമാണോ കാര്യങ്ങള്‍. അല്ളെന്നാണ് ഉപഭോക്താക്കളുടെ വാദം.