വാഹന ഉടമകൾ മൊബൈൽ നമ്പർ ‘വാഹൻ’ സോഫ്റ്റ്‌വെയറിൽ ചേർക്കണം: മോട്ടർ വാഹന വകുപ്പ്.

 ലൈസൻസ് ഉള്ളവരും വാഹന ഉടമകളും മൊബൈൽ നമ്പർ ‘വാഹൻ’ സോഫ്റ്റ്‌വെയറിൽ ചേർക്കണം: മോട്ടർ വാഹന വകുപ്പ്. 

♦️ഡ്രൈവിങ് ലൈസൻസ് ഉള്ളവരും വാഹന ഉടമകളും മൊബൈൽ നമ്പർ ‘വാഹൻ’ സോഫ്റ്റ്‌വെയറിൽ ചേർക്കണമെന്ന് മോട്ടർ വാഹന വകുപ്പു നിർദേശിച്ചു. 

♦️സേവനങ്ങൾ പൂർണമായി ഓൺലൈൻ ആക്കുന്നതിനാലാണിത്.

♦️വാഹന റജിസ്ട്രേഷൻ സർട്ടിഫിക്കറ്റിലെ വിലാസത്തിലുള്ള മാറ്റം, വാഹന കൈമാറ്റം രേഖപ്പെടുത്തൽ തുടങ്ങിയ സേവനങ്ങൾ ഓൺലൈനിലൂടെയാണ് ഇപ്പോൾ നൽകുന്നത്. 

♦️മൊബൈൽ നമ്പർ ചേർക്കാത്തതും തെറ്റായ മൊബൈൽ നമ്പർ രേഖപ്പെടുത്തിയിരിക്കുന്നതും കാരണം ചിലർക്ക് സേവനങ്ങൾ വൈകിയാണു ലഭിക്കുന്നത്.

♦️നമ്പർ ചേർക്കുന്നത്  ഇങ്ങനെ 

www.parivahan.gov.in എന്ന വെബ്സൈറ്റിൽ പ്രവേശിക്കുക. 

♦️ഓൺലൈൻ സർവീസസ് എന്ന ലിങ്കിൽ ക്ലിക് ചെയ്യുക. 

♦️ഡ്രൈവിങ് ലൈസൻസിൽ ഫോൺ നമ്പർ ചേർക്കാൻ ഡ്രൈവിങ് ലൈസൻസ് റിലേറ്റഡ് സർവീസസ് എന്ന മെനു തിരഞ്ഞെടുക്കുക.

♦️അപ്പോൾ തുറക്കുന്ന പേജിൽ സംസ്ഥാനം തിരഞ്ഞെടുക്കുക. 

♦️അപ്പോൾ ഒട്ടേറെ ഐക്കണുകളുടെ കൂട്ടത്തിൽ‌ ‘അപ്ഡേറ്റ് മൊബൈൽ നമ്പർ’ എന്നതു കാണാം. അതിൽ ക്ലിക് ചെയ്യുക.

♦️ഡ്രൈവിങ് ലൈസൻസ്, ലേണേഴ്സ് ലൈസൻസ്, കണ്ടക്ടർ ലൈസൻസ് എന്നിവയിൽ ആവശ്യമുള്ളതു തിരഞ്ഞെടുക്കുക.

♦️ലൈസൻസ് വിതരണം ചെയ്ത തീയതി, ലൈസൻസ് നമ്പർ, ജനനത്തീയതി എന്നിവ ലൈസൻസ് നോക്കി അതുപോലെ രേഖപ്പെടുത്തിയ ശേഷം സബ്മിറ്റ് ബട്ടൺ ക്ലിക് ചെയ്യുക.

♦️അടുത്ത വിൻഡോയിൽ മൊബൈൽ നമ്പർ രേഖപ്പെടുത്തുക. സബ്മിറ്റ് ചെയ്യുമ്പോൾ ഫോണിൽ ഒടിപി നമ്പർ ലഭിക്കും. 

♦️അത് സൈറ്റിൽ രേഖപ്പെടുത്തിയ ശേഷം സബ്മിറ്റ് ചെയ്യുക.

തീ​പി​ടി​ച്ച്​ വാ​ഹ​ന​ങ്ങ​ൾ; ക​രു​ത​ണം അ​പ​ക​ട​ത്തെ...!!!

വാ​ഹ​നം തീ​പി​ടി​ച്ചാ​ൽ.

♦️തീ ​പി​ടി​ക്കു​ന്നു​വെ​ന്ന് ക​ണ്ടാ​ൽ ആ​ദ്യം വാ​ഹ​നം ഓ​ഫാ​ക്കു​ക.

♦️ സു​ര​ക്ഷി​ത അ​ക​ലം പാ​ലി​ക്കു​ക. ഒ​രി​ക്ക​ലും സ്വ​യം അ​ണ​യ്ക്കാ​ൻ ശ്ര​മി​ക്ക​രു​ത്. തൊ​ട്ട​ടു​ത്ത ക​ട​ക​ളി​ലോ സ്ഥാ​പ​ന​ത്തി​ലോ ഉ​ള്ള ഫ​യ​ർ എ​സ്​​റ്റി​ങ്​​ഗ്വി​ഷ​ർ ഉ​പ​യോ​ഗി​ക്കാം. തീ ​അ​ണ​ക്കാ​നു​ള്ള സം​വി​ധാ​ന​മി​ല്ലെ​ങ്കി​ൽ ഫ​യ​ർ​ഫോ​ഴ്​​സ്​ വ​രു​ന്ന​തു വ​രെ കാ​ത്തി​രി​ക്കാം.

♦️ബോ​ണ​റ്റി​ന​ക​ത്താ​ണു തീ​പി​ടി​ക്കു​ന്ന​തെ​ങ്കി​ൽ അ​ത് ഉ​യ​ർ​ത്താ​ൻ ശ്ര​മി​ക്ക​രു​ത്. തീ ​കൂ​ടു​ത​ൽ പ​ട​രാ​ൻ കാ​ര​ണ​മാ​കും. 

♦️ഒ​ന്നോ ര​ണ്ടോ ഫ​യ​ർ എ​സ്​​റ്റി​ങ്​​ഗ്വി​ഷ​ർ ക​രു​തു​ന്ന​ത്​ ന​ല്ല​താ​ണ്.

ക​രു​ത​ലാ​ണ്​ പ്ര​ധാ​നം.

⚠️കൃ​ത്യ​മാ​യ മെ​യി​ന്റനൻ​സ് വാ​ഹ​ന​ങ്ങ​ൾ​ക്കു ന​ൽ​ക​ണം.

⚠️എ​ളു​പ്പം തീ​പി​ടി​ക്കാ​വു​ന്ന വ​സ്തു​ക്ക​ൾ വാ​ഹ​ന​ങ്ങ​ളി​ൽ കൊ​ണ്ടു​പോ​ക​രു​ത്.

⚠️വാ​ഹ​ന​ങ്ങ​ളി​ൽ ഇ​രു​ന്ന് പു​ക​വ​ലി​ക്ക​രു​ത്.

⚠️ഫ്യൂ​സ് ക​ത്തി​യെ​ന്ന് മ​ന​സ്സി​ലാ​യാ​ല്‍ അ​തു മാ​റ്റി വാ​ഹ​നം ഓ​ടി​ക്കാ​ൻ ഒ​രി​ക്ക​ലും സ്വ​യം ശ്ര​മി​ക്ക​രു​ത്. ഇ​തി​നാ​യി മെ​ക്കാ​നി​ക്കു​ക​ളെ​ത്ത​ന്നെ ആ​ശ്ര​യി​ക്കു​ക. സ്വ​യം ശ്ര​മി​ച്ചാ​ല്‍ അ​ത് ചി​ല​പ്പോ​ൾ ഷോ​ർ​ട്ട് സ​ർ​ക്യൂ​ട്ടി​ന് കാ​ര​ണ​മാ​കും.

⚠️അം​ഗീ​കൃ​ത സ​ർ​വി​സ് സെൻറ​റു​മാ​യി ബ​ന്ധ​പ്പെ​ടാ​തെ വാ​ഹ​ന​ത്തി​ലെ ഇ​ല​ക്ട്രി​ക്ക​ല്‍ ഉ​ള്‍പ്പെ​ടെ​യു​ള്ള ജോ​ലി​ക​ൾ സ്വ​യം ചെ​യ്യാ​തി​രി​ക്കു​ന്ന​താ​ണ് ഉ​ചി​തം.

⚠️അ​നാ​വ​ശ്യ മോ​ഡി​ഫി​ക്കേ​ഷ​നു​ക​ള്‍ നി​ര്‍ബ​ന്ധ​മാ​യും ഒ​ഴി​വാ​ക്കു​ക.

തീ​പി​ടി​ക്കാ​നു​ള്ള കാ​ര​ണ​ങ്ങ​ൾ 

പ​ല​പ്പോ​ഴും വാ​ഹ​ന​ങ്ങ​ൾ തീ​പി​ടി​ക്കാ​നു​ള്ള പ്ര​ധാ​ന കാ​ര​ണം ‘ഷോ​ർ​ട്ട് സ​ർ​ക്യൂ​ട്ട്’ ആ​ണ്. ഇ​തു സം​ഭ​വി​ക്കു​ന്ന​തി​നു മു​മ്പ്​ വാ​ഹ​നം ചി​ല ല​ക്ഷ​ണ​ങ്ങ​ൾ കാ​ണി​ക്കും. മി​ക്ക​വാ​റും സ​ന്ദ​ർ​ഭ​ങ്ങ​ളി​ൽ ‘ഫ്യൂ​സ്’ എ​രി​ഞ്ഞ​മ​രു​ന്നു. ഫ്യൂ​സ് മാ​റ്റി വാ​ഹ​നം ല​ക്ഷ്യ​സ്ഥാ​ന​ത്തേ​ക്ക് എ​ത്തി​ക്കാ​ൻ നോ​ക്കു​മ്പോ​ൾ അ​ത് ചി​ല​പ്പോ​ൾ ഷോ​ർ​ട്ട് സ​ർ​ക്യൂ​ട്ടി​ന് കാ​ര​ണ​മാ​കും. അ​തു​കൊ​ണ്ടു​ത​ന്നെ അം​ഗീ​കൃ​ത സ​ർ​വി​സ് സെന്ററു​മാ​യി ബ​ന്ധ​പ്പെ​ടാ​തെ ഇ​ത്ത​രം ജോ​ലി​ക​ൾ സ്വ​യം ചെ​യ്യാ​തി​രി​ക്കു​ന്ന​താ​ണ് ഉ​ചി​തം.

വാ​ഹ​ന​ത്തി​ലെ യാ​ത്ര​ക്കാ​ര​ന്റെയോ ഡ്രൈ​വ​റു​ടെ​യോ അ​ശ്ര​ദ്ധ, കൈ​പ്പി​ഴ​വ്, സാ​ങ്കേ​തി​ക ത​ക​രാ​ർ എ​ന്നി​വ തീ​പി​ടി​ത്ത​ത്തി​നു കാ​ര​ണ​മാ​വാ​റു​ണ്ട്. ഇ​ല​ക്ട്രി​ക്ക​ൽ ത​ക​രാ​ർ ആ​ണ് മ​റ്റൊ​രു പ്ര​ധാ​ന ഘ​ട​കം. വാ​ഹ​ന​ങ്ങ​ളു​ടെ ഇ​ല​ക്ട്രി​ക്ക​ൽ പാ​ർ​ട്ടു​ക​ളി​ൽ വ​രു​ത്തു​ന്ന മോ​ഡി​ഫി​ക്കേ​ഷ​നും ചി​ല​പ്പോ​ൾ അ​പ​ക​ട​ങ്ങ​ള്‍ക്ക് വ​ഴി​വെ​ച്ചേ​ക്കാം.

കൂ​ടാ​തെ സീ​ൽ പൊ​ട്ടി​യ വ​യ​റി​ങ്ങു​ക​ള്‍, കൃ​ത്യ​മ​ല്ലാ​ത്ത വ​യ​റി​ങ് എ​ന്നി​വ​യും ഷോ​ട്ട്സ​ർ​ക്യൂ​ട്ടി​ന് കാ​ര​ണ​മാ​കാം. എ​ൻ​ജി​ൽ ഓ​യി​ൽ, ഇ​ന്ധ​നം പോ​ലു​ള്ള തീ​പി​ടി​ക്കാ​ൻ സാ​ധ്യ​ത​യു​ള്ള​വ​യു​ടെ ചോ​ർ​ച്ച​യും അ​പ​ക​ടം ക്ഷ​ണി​ച്ചു വ​രു​ത്തി​യേ​ക്കാം. ഫ്യൂ​വ​ൽ ഇ​ൻ​ജ​ക്ട​ർ, ഫ്യൂ​വ​ൽ പ്ര​ഷ​ർ റെ​ഗു​ലേ​റ്റ​ർ എ​ന്നി​വ​യി​ലു​ണ്ടാ​കു​ന്ന ത​ക​രാ​ർ മൂ​ലം ഇ​ന്ധ​നം ലീ​ക്കാ​കാം. ഇ​ത്ത​ര​ത്തി​ൽ ചോ​രു​ന്ന ഇ​ന്ധ​നം ഇ​ഗ്​​നീ​ഷ്യ​ൻ‌ സോ​ഴ്സു​മാ​യി ചേ​ർ​ന്നാ​ൽ പെ​ട്ടെന്ന് തീ​പി​ടി​ക്കും. കൂ​ടാ​തെ ശ​രി​യാ​യി ക​ണ​ക്ട് ചെയ്യാ​ത്ത ബാ​റ്റ​റി, സ്​​റ്റാ​ർ​ട്ട​ർ, സ്​​റ്റീ​രി​യോ എ​ന്നി​വ​യും തീ​പി​ടി​ത്ത​ത്തി​ന്​ കാ​ര​ണ​മാ​യേ​ക്കാം.

അ​വ​ഗ​ണി​ക്ക​രു​ത്​ ഇ​വ

ചി​ല​പ്പോ​ൾ വാ​ഹ​ന​ത്തി​ൽ​നി​ന്ന്​ പ്ലാ​സ്​​റ്റി​ക് അ​ല്ലെ​ങ്കി​ൽ റ​ബ​ർ ക​ത്തി​യ മ​ണം വ​രും. ഇ​ത് അ​വ​ഗ​ണി​ക്കാ​തെ, എ​ൻ​ജി​ൻ ഓ​ഫാ​ക്കി നി​ർ​ത്തി വാ​ഹ​ന​ത്തി​ൽ നി​ന്നി​റ​ങ്ങി ദൂ​രെ മാ​റി​നി​ന്ന് സ​ർ​വി​സ് സെൻറ​റു​മാ​യി ബ​ന്ധ​പ്പെ​ട​ണം. തീ​പി​ടി​ത്ത​ത്തി​ന്റെ ല​ക്ഷ​ണ​മാ​ണെ​ങ്കി​ൽ ഉ​ട​നെ ഫ​യ​ർ ഫോ​ഴ്​​സി​നെ ബ​ന്ധ​പ്പെ​ടു​ക​യാ​ണ്​ വേ​ണ്ട​ത്. വാ​ഹ​നം മു​ഴു​വ​നാ​യും ക​ത്തി​യ​മ​ർ​ന്നാ​ലും യാ​ത്ര​ക്കാ​രെ ര​ക്ഷി​ക്കാ​നാ​ണ്​ മു​ൻ​ഗ​ണ​ന ന​ൽ​കേ​ണ്ട​ത്.

വാഹനാപകട നഷ്ടപരിഹാരം: 90 ദിവസത്തിനകം റിപ്പോർട്ട് നല്‍കണം. ?

വാഹനാപകട നഷ്ടപരിഹാരം വൈകുന്നത് ഒഴിവാക്കാൻ പ്രാഥമിക, ഇടക്കാല, അന്തിമ അന്വേഷണ റിപ്പോർട്ടുകൾ ക്ലെയിം ട്രിബ്യൂണലിൽ സമർപ്പിക്കാൻ സമയപരിധി നിശ്ചയിക്കുന്നു. 

അപകടവിവരമറിഞ്ഞ് 48 മണിക്കൂറിനുള്ളിൽ പോലീസ് ആദ്യ അപകട റിപ്പോർട്ട് (എഫ്.എ.ആർ.) തയ്യാറാക്കണം. 

ഇൻഷുറൻസ് കമ്പനിക്കും ക്ലെയിം ട്രിബ്യൂണലിനും വിവരം കൈമാറണം. പ്രഥമാന്വേഷണ റിപ്പോർട്ടിന് (എഫ്.ഐ.ആർ.) പുറമേയാണിത്. 50 ദിവസത്തിനുള്ളിൽ ഇടക്കാല റിപ്പോർട്ടും (ഐ.എ.ആർ.), 90 ദിവസത്തിനുള്ളിൽ വിശദറിപ്പോർട്ടും (ഡി.എ.ആർ.) നിശ്ചിത ഫോമിൽ മോട്ടോർവാഹന നഷ്ടപരിഹാര ട്രിബ്യൂണലിൽ സമർപ്പിക്കണം.

അപകടവുമായി ബന്ധപ്പെട്ട ക്രൈം കേസിലെ അന്വേഷണം 60 ദിവസത്തിനുള്ളിൽ പൂർത്തീകരിച്ച് കുറ്റപത്രം നൽകണം. 

വീഴ്ചവരുത്തിയാൽ ഉദ്യോഗസ്ഥർ വിശദീകരണം നൽകണം. വാഹനാപകട അന്വേഷണരീതിയിൽ കാതലായ മാറ്റമാണ് കേന്ദ്ര മോട്ടോർവാഹന ചട്ടഭേദഗതിയിലൂടെ വരുന്നത്.

ഡ്രൈവർ, വാഹന ഉടമ എന്നിവരുടെ വിശദവിവരങ്ങൾ പ്രത്യേക ഫോമിൽ ശേഖരിച്ച് 30 ദിവസത്തിനുള്ളിൽ ഫയൽ ചെയ്യണം. ഇതിന്റെ പകർപ്പിനൊപ്പം, ട്രിബ്യൂണലിൽ സമർപ്പിക്കുന്ന മൂന്ന് അപകട റിപ്പോർട്ടുകളും വാഹനാപകടത്തിൽപ്പെട്ടവർക്ക് കൈമാറണം. 

ഇരയായവരുടെ വിവരങ്ങൾ 60 ദിവസത്തിനുള്ളിൽ അന്വേഷണ ഉദ്യോഗസ്ഥർ ട്രിബ്യൂണലിനും ഇൻഷുറൻസ് കമ്പനിക്കും കൈമാറണം.

അപകടസ്ഥലം ഉദ്യോഗസ്ഥർ സന്ദർശിച്ച് സൈറ്റ് പ്ലാൻ, അപകടത്തിന്റെ സ്‌കെച്ച്, വാഹനങ്ങളുടെ അവസ്ഥ, പരിക്കേറ്റവരുടെ വിവരങ്ങൾ എന്നിവ എഫ്.എ.ആറിൽ ഉൾക്കൊള്ളിക്കണം.

പോസ്റ്റുമോർട്ടം റിപ്പോർട്ട്, ചികിത്സാരേഖകൾ എന്നിവ 15 ദിവസത്തിനുള്ളിൽ, ആശുപത്രികൾ അന്വേഷണ ഉദ്യോഗസ്ഥർക്കു കൈമാറണം. 

ഇൻഷുറൻസ് കമ്പനികളുടെ നടപടിക്രമം വേഗത്തിലാക്കാൻ സ്റ്റേറ്റ് നോഡൽ ഓഫീസർമാരെ നിയമിക്കണം. എഫ്.എ.ആർ. നൽകുന്ന കേസുകളിൽ തുടർ നടപടികൾ ചുമതലപ്പെടുത്തി ഇൻഷുറൻസ് കമ്പനി പ്രതിനിധിയെ നിയോഗിക്കണം. 

ഡ്രൈവിങ് ടെസ്റ്റുകളും പരിശീലനവും പുനരാരംഭിച്ചു.

സംസ്ഥാനത്ത് ഡ്രൈവിങ് ടെസ്റ്റുകളും പരിശീലനവും ജൂലൈ 19 തിങ്കളാഴ്ച മുതല്‍ പുനരാരംഭിച്ചു.  കോവിഡ് പ്രോട്ടോകോള്‍ പൂര്‍ണ്ണമായി പാലിച്ചു കൊണ്ടുവേണം ടെസ്റ്റും പരിശീലനവും നടത്തേണ്ടതെന്ന് ഗതാഗത മന്ത്രി ആന്റണി രാജു അറിയിച്ചു.

പരിശീലന വാഹനത്തിൽ ഇൻസ്പെക്ടറെ കൂടാതെ ഒരു സമയം ഒരു പഠിതാവ് മാത്രമെ പാടുള്ളൂ.

കോവിഡ് മാനദണ്ഡങ്ങള്‍ പാലിക്കപ്പെടുന്നുവെന്ന് മോട്ടോര്‍വാഹന വകുപ്പ് ഉദ്യോഗസ്ഥര്‍ ഉറപ്പു വരുത്തണമെന്ന് നിര്‍ദേശം നല്‍കിയതായും മന്ത്രി പറഞ്ഞു. സംസ്ഥാനത്ത് ലോക്ക്ഡൗണ്‍ സാഹചര്യത്തിലാണ് ഡ്രൈവിങ് ടെസ്റ്റുകളും പരിശീലനവും നിര്‍ത്തിവെച്ചത്. 

വിന്റേജ് വാഹനങ്ങൾ കൈവശം വയ്ക്കുന്നതിന്​ പുതിയ മാനദണ്ഡങ്ങൾ വരുത്തി കേന്ദ്രം. !!

വിന്റേജ് കാറുകൾക്കായി പ്രത്യേക മാർഗനിർദേശങ്ങൾ പുറത്തിറക്കി കേന്ദ്രം.

ഈ മാസം 15ന്​ പുറത്തിറക്കിയ കരട്​ വിജ്ഞാപനത്തിലാണ്​ വിന്റേജ്​ കാറുകളെ നിർവ്വചിക്കുകയും ഇവ കൈവശം വയ്ക്കുന്നതിനുള്ള മാർഗനിർദേശങ്ങൾ പുറത്തിറക്കുകയും ചെയ്​തത്​. പുതിയ നിയമം അനുസരിച്ച്​ 50 വർഷത്തിന്​ മുകളിൽ പഴക്കമുള്ള വാഹനങ്ങളെയാണ്​ വിന്റേജ് അല്ലെങ്കിൽ ക്ലാസിക്​ ​ആയി പരിഗണിക്കുക. ഇത്തരം വാഹനങ്ങൾ പുതുതായി രജിസ്​റ്റർ ചെയ്യുന്നതിന്​ 20,000 രൂപയും രജിസ്ട്രേഷൻ പുതുക്കുന്നതിന് 5,000 രൂപയും ചെലവാകും. വിന്റേജ് വാഹനങ്ങളെ സ്ഥിരവും വാണിജ്യപരവുമായ ഉപയോഗങ്ങളിൽ നിന്ന്​ വിലക്കിയിട്ടുമുണ്ട്​.

രജിസ്ട്രേഷൻ നിയമങ്ങൾ

വിന്റേജ് വാഹനങ്ങളുടെ രജിസ്ട്രേഷനോ പുനർ രജിസ്ട്രേഷനോ ഉടമകൾ ചില രേഖകൾ ഹാജരാക്കേണ്ടതുണ്ട്​. സാധുവായ ഇൻഷുറൻസ് പോളിസി, വാഹനം ഇറക്കുമതി ചെയ്​തതാണെങ്കിൽ എൻട്രി ബിൽ, പഴയ രജിസ്ട്രേഷൻ സർട്ടിഫിക്കറ്റ് എന്നിവയാണ്​ വാഹനം നിയമപരമായി കൈവശം വയ്​ക്കാൻ വേണ്ടത്​. ഇത്തരം വാഹനങ്ങൾക്ക് പുതിയ രജിസ്ട്രേഷൻ ഫോർമാറ്റ് നൽകാനും തീരുമാനമായി. പുതിയ ഫോർമാറ്റ് അനുസരിച്ച്​ സ്റ്റേറ്റ് കോഡ്​, വിന്റേജ് വാഹനത്തെ സൂചിപ്പിക്കാൻ VA എന്ന എഴുത്ത്​, രണ്ട് മുതൽ നാല്​ അക്കങ്ങളുള്ള നമ്പർ എന്നിവ ക്രമത്തിൽ നൽകും. അതത് സംസ്ഥാന രജിസ്​റ്ററിങ്​ അതോറിറ്റിയാവും ഇവ അനുവദിക്കുക. പുതിയ സർട്ടിഫിക്കറ്റ് 10 വർഷത്തേക്ക് സാധുവായിരിക്കും. തുടർന്ന്, രജിസ്ട്രേഷൻ പുതുക്കുന്നതിന് 5,000 രൂപ നൽകണം. ഇത് 5 വർഷത്തേക്ക് സാധുവായിരിക്കും. പിന്നീടും വാഹനം കൈവശം വയ്ക്കുന്നവർ രജിസ്ട്രേഷൻ പുതുക്കിക്കൊണ്ടിരിക്കണം.

വിൽക്കുന്നത്​ എങ്ങിനെ?

വിന്റേജ് വാഹനങ്ങൾ വിൽക്കുന്നതിനും വാങ്ങുന്നതിനുമുള്ള പുതിയ നിയമങ്ങളും രൂപപ്പെടുത്തിയിട്ടുണ്ട്. വാഹനം വിൽക്കുന്നതും വാങ്ങുന്നതും 90 ദിവസത്തിനുള്ളിൽ അതാത്​ സംസ്​ഥാന വാഹന അതോറിറ്റിയെ അറിയിക്കണം. വിന്റേജ് വാഹനങ്ങൾ മറ്റ് വാഹനങ്ങളെപ്പോലെ പതിവായി ഉപയോഗിക്കാൻ പാടില്ല. നിലവിൽ ഇത്തരം വാഹനങ്ങൾ ഉള്ളവരിലധികവും അവ സ്​ഥിരം ഉപയോഗിക്കുന്നവരല്ല. സ്ക്രാപ്പേജ് പോളിസി വന്നതിനുശേഷം വിന്റേജ്​ വാഹന ഉടമകളിൽ ഉടലെടുത്തേ ആശങ്ക മാറ്റാൻ പുതിയ നീക്കം സഹായിക്കുമെന്നാണ്​ വിലയിരുത്തൽ.

ഡ്രൈവിങ്ങിനിടെ ഇനി ബ്ലൂടൂത്ത്​ ഉപയോഗിച്ച്​ ഫോൺ ചെയ്​താൽ ലൈസൻസ്​ പോകും ?

​ഡ്രൈവിങ്ങിനിടെ ബ്ലൂടൂത്ത്​ ഉപയോഗിച്ച്​ ഫോൺ ചെയ്​താൽ ലൈസൻസ്​ പോകുമെന്ന്​ മോ​ട്ടോർ വാഹനവകുപ്പ്​. ബ്ലൂടൂത്തിന്‍റെ സഹായത്തോടെയുള്ള ഫോൺ സംസാരവും കുറ്റകരമാണെന്ന്​ വകുപ്പ്​ വ്യക്​തമാക്കി. ഇത്തരത്തിലുള്ള നിയമലംഘനങ്ങൾക്കെതിരെ കടുത്ത നടപടികൾക്കാണ്​ മോ​ട്ടോർ വാഹന വകുപ്പ്​ ഒരുങ്ങുന്നത്​.

നേരത്തെ ഫോൺ ചെവിയോട്​ ചേർത്ത്​ സംസാരിച്ചാൽ മാത്രമേ ഇതുവ​രെ കേസെടുത്തിരുന്നു​ള്ളു. എന്നാൽ ഇനി ബ്ലൂടൂത്ത്​ സംസാരവും പിടികൂടും. വാഹനത്തിലെ സ്​പീക്കറുമായി ഫോണിനെ ബന്ധിപ്പിച്ച്​ സംസാരിക്കുന്നത്​ അപകടങ്ങൾക്ക്​ കാരണമാവുന്നുവെന്നത്​ ചൂണ്ടിക്കാട്ടിയാണ്​ നടപടി. ഇതിനെതിരെ മോ​ട്ടോർ വാഹന നിയമത്തിൽ വ്യവസ്ഥയുണ്ടെങ്കിലും പ്രായോഗിക ബുദ്ധിമുട്ടുകൾ ചൂണ്ടിക്കാട്ടി വകുപ്പ്​ ഇത്​ നടപ്പാക്കിയിരുന്നില്ല.

വാഹനങ്ങളിലെ മ്യൂസിക്​ സിസ്റ്റത്തിലേക്ക്​ ഫോൺ ബ്ലൂടൂത്ത്​ ഉപയോഗിച്ച്​ ബന്ധിപ്പിക്കാനാവും. ഇതുവഴി സംസാരിക്കാനും പ്ര​യാസമില്ല. എന്നാൽ, വാഹനം വാഹനം ഓടിക്കു​മ്പോൾ ഡ്രൈവറുടെ ശ്രദ്ധ മാറാൻ സാധ്യതയുണ്ടെന്നും അതിനാൽ ബ്ലൂടൂത്ത്​ ഉപയോഗിച്ചുള്ള സംസാരം പരമാവധി ഒഴിവാക്കണമെന്നുമാണ്​ മോ​ട്ടോർ വാഹന വകുപ്പ്​ ഉദ്യോഗസ്ഥരുടെ നിർദേശം.